��������ϲʿ������

Rôl y fydwraig wrth hybu genedigaeth normal, ffisiolegol yw prif ffocws y cwrs hwn a Phrifysgol ��������ϲʿ������ yw’r unig brifysgol yng Nghymru sydd ag achrediad Menter Cyfeillgar i Fabanod (BFI) UNICEF. Ym Mangor bydd myfyrwyr yr MSc Astudiaethau Bydwreigiaeth yn datblygu eu gwybodaeth a dealltwriaeth fanwl o elfennau allweddol o rôl bydwraig gan gynnwys:

• Rôl iechyd cyhoeddus y fydwraig
• Sut y gellir hybu a gwneud y mwyaf o eni plant ffisiolegol o fewn gwasanaethau mamolaeth cyfoes.
• Sut y gellir optimeiddio'r profiad geni i bob merch a'u teuluoedd.
• Ymchwilio i ddulliau o fewn iechyd a gofal cymdeithasol.

Bydd myfyrwyr yn datblygu dealltwriaeth feirniadol o rôl y fydwraig wrth wella iechyd a lles a’r sgiliau sydd eu hangen i wneud y gorau o’r profiad geni. Bydd myfyrwyr yn datblygu eu sgiliau ymhellach wrth weithio gyda ac ar gyfer menywod a chymunedau i wneud y gorau o'r profiad geni, hyrwyddo a diogelu cydraddoldeb, amrywiaeth a hawliau unigolion. Bydd y rhai sy'n symud ymlaen i'r MSc Astudiaethau Bydwreigiaeth llawn hefyd yn dysgu sut i gynhyrchu a dehongli tystiolaeth ymchwil berthnasol a'i rhoi ar waith yn ymarferol.

��

Yn ogystal â rhoi gwybodaeth a sgiliau ychwanegol i unrhyw fydwraig a fyddai’n gwella ei hannibyniaeth o fewn ymarfer, bydd y rhaglen hon yn rhoi’r wybodaeth a’r sgiliau angenrheidiol i fydwragedd i chwilio am gyfleoedd cyflogaeth ar lefel uwch, er enghraifft: fel bydwraig ymgynghorol, datblygu ymarfer a rolau arwain.

Mae’r academyddion sy'n ymwneud â'r MSc yn cymryd rhan weithredol mewn ymchwil ac mae ganddynt gysylltiadau helaeth â chyrff allanol, sy'n cael eu defnyddio'n llawn i sicrhau bod y modiwlau'n berthnasol i'r amgylchedd gwaith ac ymchwil modern y bydd graddedigion yn mynd iddo.. Maent i gyd hefyd yn Fydwragedd profiadol sydd â chysylltiadau gweithredol o hyd â'r Bwrdd Iechyd lleol gan sicrhau bod arfer clinigol modern yn rhan annatod o'r rhaglen.